當遇上臭皮氣嘅司機...

有乜好辦法?

依家喺campus揸車真係好危險、又激氣，有乜辦法?

繼前幾日喺speed bump slow down 或 stop sign 嚟個full stop 俾人「勁」honk 後... 尋日仲離譜到有人抽我頭! 做乜咁急? 趕住做乜喎！知唔知campus 都要守法揸車架！我「拿拿淋」抄低咗佢個車牌，但係又有乜可以做唉?!

猜一猜

老公撥扇, 猜一詞語

[答案喺comment...]

好想...

尋日重看brenda 生活點滴嘅記錄... 轉眼已經兩年半，但好多景像仍然非常清晰。 日常生活好多時都會諗起如果佢仲喺度，一定會同佢講。

好想佢喺度... 好想佢知道...

一段對話

某日某處聽到兩位婆婆嘅對話，令我想起某些人、某些事...

婆婆甲: 最近你棵樹出花未呀？
婆婆乙: 我唔知喎，冇睇呀。
婆婆甲: 咁佢有冇出葉呀？
婆婆乙: 唔知呀！我連後園都冇出過去。
婆婆甲: (繼續問) 哦！ 咁佢有冇大到呀？
婆婆乙: 都話我連後園都冇出過去咯！
婆婆甲: (仍然有得問) 咁舊年呢？
婆婆乙: .....！
婆婆甲: 喂！其實好耐冇見你喇！
婆婆乙: (無氣) 有幾耐呀！我淨係上星期冇嚟之嘛！之前嗰個星期都見到你啦！
婆婆甲: 唉呀！我關心你，好掛住你嘛！
婆婆乙: (無言)

一則有趣新聞

【特別報導】

今晨於美國華盛頓州貝爾威市一個民居中， 一名大頭蝦竟然在享用過華夫餅早餐後, 將整樽糖漿與刀、义、碟一拼放進洗碗盆浸濕待洗。 可惜女事主到七小時後才發現該意外。 糖漿當場宣報失救，直接送進垃圾筒。 經初步調查，懷疑大頭蝦因早上六時半便要起牀，引致睡眠不足，促成這次意外。

呼！

最近幾件大事都非常順利 :) 終於可以鬆一口氣 :)